» » "Музею імя Суворова - 20 год". А.М. Мартынаў.

"Музею імя Суворова - 20 год". А.М. Мартынаў.

Першамай 1948 года асабліва памятны супрацоўнікам музея імя Суворава і кабрынчанам. У той дзень, пасля мітынгу і дэманстрацыі працоўных, адбылося ўрачыстае адкрыццё музея і першая хваля наведвальнікаў запоўніла невялічкі домік, у сценах якога да этага часу як бы вітае цень вялікага палкаводца, чыё імя назаўсёды прысвоена музею. Да адкрыцця музея быў не толькі адноўлены паўразбураны гітлераўцамі гістарычны дом, але ў пяці пакоях аформлена часовая экспазіцыя трох аддзелаў.

Праўда, тое, што было ўпершыню выстаўлена для паказу наведвальнікам, насіла выставачны характар і складалася выключна з прымітыўна аформленых матэрыялаў, бо не было ў той час у музеі не толькі рэчавых экспанатаў, а нават мэблі для іх размяшчэння.

Тым не менш, дваццаць гадоў назад нованароджанаму музею была ўручана пуцёўка ў жыццё і пасля гэтага ён пачаў хутка «мужнець і набірацца сіл».

"Музею імя Суворова - 20 год". А.М. Мартынаў.

Кобрынскі ваенна-гістарычны музей імя А.В. Суворава. 1961 год.


Не сакрэт, што экспанаты ў той час набыць было вельмі цяжка. Таму разлічваць прыходзілася на падтрымку другіх музеяў. Аднак на першых пачатках усе спробы атрымаць неабходныя матэрыялы ў бліжэйшых музеях рэспублікі поспеху не мелі, бо іх фонды былі вельмі апустошаны прайшоўшай вайной. Але ў хуткім часе дапамога прышла з Масквы і Ленінграда. Першым адклікнуўся на заклікі Ленінградскі Артылерыйскі гістарычны музей Узброеных Сіл, які не толькі перадаў маладому Кобрынскаму музею вялікую колькасць каштоўных экспанатаў, але аказаў і значную метадычную дапамогу. Такому высакароднаму прыкладу паследавалі Дзяржаўны Гістарычны Музей, Дзяржаўны Эрмітаж, Белдзяржмузей гісторыі Вялікай Айчыннай вайны і цэлы рад іншых.

Праз некалькі год перад нашым музеем паўстала іншая задача. Экспанатаў было дастаткова, а размяшчаць іх не было дзе, прыток наведвальнікаў пастаянна павялічваўся і плошчы яўна не хапала. А так, як Сувораўскі дом у якасці гістарычнага помніка знаходзіўся пад аховаю дзяржавы, то аб перабудове яго і за лік гэтага расшырыць плошчы, размовы быць не магло.

Насустрач нам пайшлі мясцовыя партыйныя і савецкія органы, перадаўшы музею дадатковае сумежнае памяшканне. Гэта дало магчымасць расшырыць галоўны аддзел, які адлюстроўвае жыццё і дзейнасць вялікага палкаводца, імя якога носіць музей, а таксама больш выгадна размясціць аддзелы, прысвечаныя гераічнаму мінуламу рускага і беларускага народаў, пазнаёміць наведвальнікаў з найбольш знамянальнымі падзеямі ваеннай гісторыі нашай Радзімы са старажытных часоў і да другой палавіны 18 стагоддзя. Экспазіцыя новага памяшкання прысвечана Айчыннай вайне 1812 года, Сувораўскім традыцыям у рускай apміі, першай сусветнай і грамадзянскім войнам і Вялікай Айчыннай вайне.

"Музею імя Суворова - 20 год". А.М. Мартынаў.

Фрагмент экспазіцыі.


Найбольш характэрнай асаблівасцю музея імя Суворава лічыцца тое, што асаблівая ўвага ў экспазіцыях удзелена тым ваенным падзеям, якія адбываліся на тэрыторыі Беларусі і звязаны з дзейнасцю воінаў-беларусаў. А так, як музей імянны, прытым, з ярка выражаным мемарыяльным ухілам, то ў кожным яго аддзелаў той ці іншай форме фігурыруе імя Суворава.

Праходзячы па залах і знаёмячыся з экспанатамі, многія з якіх з’яўляюцца сапраўднымі рэліквіямі, наведвальнік як бы перачытвае цікавы летапіс
гераічнай ваеннай гісторыі нашага народа.

"Музею імя Суворова - 20 год". А.М. Мартынаў.

У адным з залаў экспазіцыі.


У фондах музея захоўваюцца тысячы каштоўнейшых рэчавых помнікаў тых далёкіх год. Побач са сцягамі рускай арміі тут можна ўбачыць узоры адзення і зброі рускай і варожых армій, баявыя ордэныі медалі, дакументыі іншыя рэчы. Што ж датычыцца экспануемай тут калекцыі халоднай і агнястрэльнай зброі з XV века і да нашых дзён, то яна па праву лічыцца адной з найбольш багатых і змястоўных.

"Музею імя Суворова - 20 год". А.М. Мартынаў.

Адна з вітрын са зброяй.


Фонды музея бесперапынна папаўняюцца рознымі экспанатамі. За апошні час асаблівая ўвага ўдзяляецца збору матэрыялаў з часоў грамадзянскай і Вялікай Айчыннай войн. Аднак дзейнасць музея не абмяжоўваецца толькі накапленнем экспанатаў, музей аказвае вялікую дапамогу іншым сабратам, Так некалькі тысяч экспанатаў з нашага фонду перададзена 20 беларускім музеям. Навуковымі супрацоўнікамі чытаюцца лекцыі, прысвечаныя гераічнаму мінуламу нашага народа, а таксама лекцыі на краязнаўчыя тэмы. Супрацоўнікі музея аказваюць пастаянную дапамогу школьнай моладзі пры распрацоўцы турысцкіх маршрутаў па месцах баявой славы, з’яўляюцца ініцыятарамі партызанскіх злётаў. Пры актыўнай дапамозе музея ў радзе школ створаны музейныя куткі і праводзіцца падрыхтоўка да стварэння заводскіх музеяў на прамысловых прадпрыемствах.

Па выніках Усесаюзнага агляду музеяў, прысвечанага 50-годдзю Вялікага Кастрычніка, дзейнасць Кобрынскага музея імя Суворава была адзначана дыпломам Міністэрства культуры СССР.

"Музею імя Суворова - 20 год". А.М. Мартынаў.

Дыплом Міністэрства культуры СССР. 1967 год.


Музей набыў шырокую вядомасць далёка за межамі вобласці і рэспублікі. На працягу толькі мінулага года з экспазіцыямі музея воінскай славы, як яго часта па праву называюць, пазнаёміліся 75 тысяч наведвальнікаў,1800 экскурсій. А за 20 год існавання ў музеі пабывала каля мільёна наведвальнікаў. Многія з Ленінграда і Масквы, Ташкента і Яраслаўля, Клайпеды і Краснаярска, Магадана і Адэсы і іншых.

"Музею імя Суворова - 20 год". А.М. Мартынаў.

Наведвальнікі музея.


Пачуццё вялікага патрыятычнага гонару за сваю магутную Радзіму, вялікая пашана гераічным ратным подзвігам нашага народа — такі лейтматыў большасці астаўленых у кнізе водгукаў запісаў, якія красамоўна гавораць аб пачуццях, з якімі наведвальнікі развітваюцца з музеем, пад уражаннем усяго ўбачанага.

А. МАРТЫНАЎ,
дырэктар музей
14 мая 1968 г.
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.
Оцените работу движка
Все опросы